Antoinette Tauz updated on ex-BF Dingdong Dantes' career

Sa pamamagitan ng Pinoy TV sa US, updated pa rind aw sa showbiz happening sa Pilipinas, lalo na sa takbo ng career ng kanyang ex-boyfriend na si Dingdong Dantes, si Antoinette Tauz na nakabase na ngayon sa Las Vegas, Nevada.

Nasusubaybayan pa rin daw ni Antoinette ang career ex-BF niya at alam daw ng magandang dalaga na hot na hot ang love team nina Dingdong at Marian Rivera sa “Dyesebel," nangungunang telefantasya ng Kapuso Network.

“I’m very happy for him… I’ve always believe in him…that he will reach this point and even beyond…never have any doubts for him," pahayag ng aktres sa report ng Chika Minute portion ng GMA news 24 Oras.

Masaya ring ibinalita ni Antoinette na maganda ang nangyayari sa pagsisikap niyang ma- penetrate ang Hollywood. Katunayan, dalawang buwan na raw siyang nag-taping para sa isang bagong show doon kung saan pitong mga baguhang artista ang kanyang makakasama.

“I’m working for a pilot right now so (I’m) keeping my fingers crossed sana things would go through… and if they do, it’s going to be in a major network," kwento ng aktres.

“Pero I can’t talk about it yet, let’s see what happens next alam mo naman ang showbiz."

Bukod sa pag-arte, abala rin si Antoinette sa isang magazine na itinayo ng kumpanyang pag-aari nila kung saan isa siya sa mga editor. Una nilang naging cover sa magazine si Pinoy boxing champ Manny Pacquiao at pagkatapos ay si Fil-Am rapper na si Apple De Ap ng Black Eyed Peas.

Umaasa si Antoinette na makatutulong ang magazine upang mapansin ng Hollywood ang talento ng mga Filipino-American.

Inaasahan na uuwi sa bansa si Antoinette para dumalo sa kasal ng kanyang kaibigan na si Chesca Garcia kung saan isa siya sa mga magiging bridesmaid.